暢快

平時六點開波，但暑假期間壁球場收七點，所以五點鐘就要閃，唔係o岩o岩打熱個身就要走，好冇癮。

今日約好William入黎砌，一開始一人一執一局，通常我地打五局，五局三勝。打完第五局，我輸三二，但係我覺得o岩o岩先熱完身（我比較慢熱），加埋佢個得戚樣 ... 捉佢砌多一局。果然仲有心有力，抄，三比三。佢係都要贏我，要打多局。我寸佢，「冇氣就唔好死頂喇 ...」哈哈，又比我執多局。已經打左個幾鐘，死仔仲唔認輸，話我只係贏佢一局，要打多一局，如果佢贏就四比四，打最後一局決勝負；我贏佢就認輸，請飲汽水。哈哈 ... 叫你冇氣就唔好死頂架啦，最後一局都要比我炒，五比三，死未。

同William打真係幾好玩，大家差不多level，有時要同佢鬥猜波，睇下邊個先出錯；有時要鬥快；有時又要打靚位，仲要鬥追波。不過，最好玩係佢冇我咁好氣 ... 哈哈哈。

今日淨係同William打，個半鐘幾乎冇停過。好耐冇出過咁多汗（件衫已經saturated... 濕到漏汗），再沖個靚涼，飲罐可樂，真暢快。