決賽

今日係教職員壁球比賽既決賽，諗住應該可以贏到Dr. Luk，但尋晚唔夠訓，今日飲左兩杯咖啡先頂到開波，竟然輸左比佢，得個第四名，但都有獎杯，哈哈... 其實我返黎咁耐都未輸過比Dr. Luk，就係今次比賽陰差陽錯輸左。不過我反而好開心，我地一齊打左十幾年波，佢睇住我大，而且佢今年七月都退休咯，咁咪大家開心囉。佢領獎杯果陣真係笑到見牙唔見眼架。遲d要搵番以前班隊友出黎同佢食番餐榮休飯先。

落去打波之前，一出lab門就比劉師兄叫住，原來佢專登上黎搵我食飯。打完波之後一齊去左旺角百人一朱，傾到十點幾先走。

好開心的一天。