肥開

年幾冇見肥開，原本諗住遲d去星加坡探下佢，朝早打開MSN，佢竟然話返左香港，諗住呢兩日返CU見個面。我話大家都o係屯門，不如出黎食晏。哈哈，快人快語，即刻出黎，食麥當勞。

講下講下，反正今日無節目，佢又要買 d「好重要」既野，咁就跟埋佢出灣仔，之後去銅鑼灣 join 佢個朋友，再去埋旺角。就係咁，飲下咖啡傾下計，玩下電結他，睇下高達，咁又一日。

佢朋友問我地點識，我話我地係Grad School同學，係我介紹美國份工比佢。
阿開話：「係呀，佢係我恩人黎架。」
我話：「咁你第時記得燒多兩注香比我喇。」
___________________

有時，坐低等下，真係會有運到，同埋驚喜。