BBQ

尋日Dr. Shaw個Lab D師弟妹黎BBQ。我之前一日係百佳買Drinks, wines and beer + 其他野，其他人就係上水買野食。一早講好要燒海鮮，結果佢地真係買左好多海鮮：幾隻花蟹，兩隻怪蟹，兩斤賴尿蝦，一斤大蝦，咖喱尤魚，一條生尤魚，1打帶子，好多肉丸，仲有我特別要求既白膳，加上我之前一日買既兩磅雞翼，兩包羊肉，我後來買既鴨胸都冇出黎，D野食已經多到可以燒多次。

已經唔係第一次，人地叫我買Coke Light Lemon我又試買左Regular Coke Lemon。Haha... 算啦，飲得可樂就唔好飲Light啦，個after taste好苦架。

燒到一半（其實我已經飽），開檯！打完四圈剛剛到12:00，佢地仲趕到尾班車走。喂，你地唔記得飲我阿媽煲既五花茶呀，好好味架。

今朝同細佬一齊煮麵食，加了食剩的肉丸同菇，先發現我尋日冇食到大蝦，好在有一隻燒好左，可以黎麵。

D賴尿蝦好細隻，冇乜肉。今日叫阿爸煮左D食剩既野，佢話賴尿蝦要活生生煮先有肉，死左既賴尿蝦D肉會化哂水喎。唔怪得啦。我見到燒蟹覺得好殘忍... 睇住隻蟹活活被燒死... 仲心諗好在D賴尿蝦已經死左，哂使受火刑添... 都係留番比D專業人士煮呢D「雕鑽」野，自己印印腳等食好。

p.s. 點解依家D帶子咁平，十蚊有三大隻？？