梅菜扣肉

都係自己蠢，做埋D野攪到佢唔開心，自己仲更加唔開心。想搵陳大文出o黎發洩下，佢又唔得閒。結果一個人係火車站出面坐o左一個鐘。已經係第二次一個人食風。上次係舊年6月12號，我轉登搵陳大文出o黎傾，但條死仔食完飯就急急腳要返屋企。我就自己一個人漫無目的咁開車，最後去左Charles River邊吹左一個鐘頭風。

睇住D人放工/放學行入火車站都幾得意，有D人一班人哈哈笑咁行，有D一雙一對拖住手，最多既係一個人急急腳走入去。但無論點樣行，佢地最後都係返去家人或愛人身邊。我又未到無家可歸o既地步，不過我想要多少少野o者。有要求先有進步嘛。

尋日同個朋友食tea，佢話有好多入o左政府做o既同學到依家都冇變，個心態重好似讀書個陣咁細個。姐姐，我都唔想攪到依家咁樣o架。你估經歷得多真係好好玩呀? 思想簡單既人係最幸福o架。

頭先睇電視介紹水溪鎮既傳統扣肉，突然好想食梅菜扣肉。