男人背後的女人

原本約o左C食lunch，個死婆話要訓多兩個鐘，改食Tea。攪到我要臨時搵人sip時間。好在有劉師兄，幫我消磨o左兩個鐘。

識o左C幾年。o個時個傻妹因為比男朋友飛，割脈自殺，好在比人發現得早。後來同返個男仔一排之後都係要分手。佢打比我，話又想自殺。我都唔記得同佢講o左乜，總之佢冇再做傻事。之後佢成日出去浦，浦左成年，乜都玩過，直到識到依家個男朋友。

個傻妹話成日同男友吵交，話佢掛住做野一個星期都陪唔到佢一次。但佢又鍾意人，人地又鐘意佢。早兩年個男仔生意有D問題，C幫佢周圍同人借錢，自已上身。總算個男仔對佢好，同佢講，佢陪佢渡過o左最艱難o既時期，以後有成果一定要同佢分享。

C話唔明點解平時只係同佢傾D無聊野，但佢都會好開心，話見過佢之後，成個人會舒服晒。我話，男人唔同女人，唔會同朋友講自已D煩惱。就算對住自己女友/老婆都唔一定講。但係只要見到個女仔，同佢傾下計，個心都會定好多。我話，好多女仔都唔知自己o係男朋友既心裡面係咁重要。如果個男人係好男人，你陪佢同支持佢渡過難關，佢一世都會記住。就算個女仔事實上幫唔到D乜，只要個男人唔開心既時候陪下佢，已經好足夠。

我仲話，即使個男人o係人地面前幾強，對住自己鍾意既女仔，就算表面唔係，心裡面都鬆懈晒。如果個女仔唔了解個男仔，又冇見過佢工作o個陣個樣，可能仲以為個男人真係咁軟弱。其實佢只會對住你先會表現出佢軟弱o個面。

佢話：「我都唔知原來男人生理上需要女人之外，心理上都咁需要。」妖！死妹釘！

其實我都係呢兩個月先領悟出呢D野.... 總之祝你地幸福啦。