算命

今日同幾個朋友o係佐敦打邊爐，講到佢o地搵一個o係廟街開檔o既相士睇開相同算時辰八字，講得好準。咁就腳，加上佢o地有「友情價」，我就走o左去睇。

呢位相士都幾好o野，曾經o係雜誌寫專欄，講下D明星o既運程。佢重有個網頁：www.wongchunfu.com

佢真係幾準，用我個時辰八字算出06年係最沖我o既一年：同一個拍拖好耐o既女仔分手，會唔見錢，同要轉工。佢話我三十一同三十二歲係最差的年份，以後先有運行。佢叫我要修眉，因為三十一同三十二歲都係行眼眉中間的運。但好消息係，06年係我一生中o既最低潮，而且晚年無憂。但我要到49歲開始先有餘錢。

佢淨係睇我o既八字已經知道我係好錫女朋友o既人。我話就係因為太錫佢先至攪到今日o既結果。我問佢會唔會同前度女友有機會，佢話：「搵過個重好啦！」