細佬

今日去扭蛋節，Calvin約人，去到得佢同佢女友，好在我拉埋細佬一齊，唔係做電燈膽。

去到會展d人竟然要排4個鐘買飛。車... 去旺角兆萬睇玩具好過。去到兆萬Calvin買左隻馬斯特博士軍閥造型公仔。跟住比我見到紙砌既高達RX-78-2，只賣$69。即買。我同細佬講：「第時我死o左記得燒呢隻紙扎高達比我」... 哈哈。

搭車返屋企，細佬訓到流口水... 哈哈傻仔。


____________

今日語錄：
阿哥：邊個打黎？
細佬：你阿媽呀。
阿哥：我阿媽做乜打比你呀？
細佬：因為佢都係我阿媽囉。
阿哥：哦...