打爆機

頭先落左U Gym同班舊波友打波。我地由undergrad開始一齊打校隊，跟住打公開聯賽，打到依家，個個都結哂婚生埋仔（除左我）。U Gym個場都係我地同佢開齋。識o左十幾年既朋友之中佢地算係見得最多。

以前我係一班人之中打得最差o個個，經我o係美國一星期三日，打足兩年有多既特訓之後，依家冇人夠我打... 哈哈。頭先除左deuce輸左比William之外，其他三個人都輸比我。William你唔好咁得戚，你之前兩次都輸比我，我頭先未熱身先輸比你，下次你就知死。


呢塊係我依家用緊既壁球拍，Control同Power都一流，但我花o左一個月先習慣呢塊拍既打法。佢個grip近排搖搖下，可能就快玩完。都係squashgear.com講得o岩，球拍要一次過買兩塊，舊拍爛o左都唔洗花時間習慣新拍。

我話比細佬聽我打贏哂班人，佢話我終於打爆機。

校隊好似逢星期四練波，等我落去會一會佢地先。