屯門藥房貓

爺爺今朝要拉我去飲茶，但我近排食得太多，想食粥，於是夾硬拉佢同grandma去左食粥。好在去左食粥，去到爺爺話個肚唔舒服，食粥岩岩好。

食完粥爺爺話要去市中心買維他命丸同行下，去到藥房見到門口有隻肥貓挨左係d廁紙上面，左邊塊面冇左一忽，露左d牙出黎，好似Batman裡面個Two-Face咁。我問藥房老闆，原來呢隻貓好出名，香港貓書貓雜誌都有講過佢。人地叫佢屯門藥房貓，有次佢同隻狗打交打傷左隻狗，隻狗既主人用強水淋佢，結果冇左半邊面同半隻耳仔。

真有種，夠膽同狗打交仲要打贏。依家佢已經肥都唔想郁，好多人經過都會摸下佢，佢一於賴理任摸。不過頭先爺爺係咁摸佢摸到佢郁身郁尾，好似唔多舒服，我都係叫爺爺停手，咪搞興佢。

p.s. 原來之前已經有一個愛貓人士o係佢既blog詳細講過呢隻貓，仲講得好詳細添。