通頂之後

今次玩通頂，食埋早餐先返。對上一次可能係中三，即係十幾年前。

上星期同Eddie談心，佢話十年前就落pub劈酒，依家玩唔黎喇。我就相反，廿幾歲時唔玩，到依家幾十歲人先去劈。依家我好掂架喇，識收識放，臨天光仲可以隊人同幫人擋。
______________________

玩完一晚，終於決定留低多幾個月。你話我玩到唔捨得走又好，乜叉都好，我鍾意做乜咪做乜，吹咩。

以前做乜都冇思前想後咁多，呢次幾個月貨仔要諗咁耐。依家諗定左，個人都開心晒。

下晏同細佬去左屯門新墟食過橋米線。間野幾出名，我係第一次去食，唔知死叫左中辣，第一次食辣食到頭頂出汗（普通熱係後頸出汗），仲頭暈暈。近！