踢波與鋸扒

尋日專登同細佬行晒成個市中心，各自買左對波鞋，今朝一早（其實已經係10點）入元朗同何生同佢d朋友踢波。

幾個月冇踢波，加上踢硬地場同著新鞋，踢左一個鐘左右已經要收皮。但細佬仲唔夠皮，要何生同我陪佢踢多陣。何生真係幾好波，卓號奧雲仔。

幾乎著親新鞋都要開光，右腳後對上又爆缸。
___________________

今日母親節，但太后要返工。好在尋日細佬癲起條根，中午要食扒王之王，順便叫埋太后一齊鋸扒，當慶祝母親節。咦，我地好似個個星期六都請太后食晏... 上星期先食左味千拉麵。其實有心，個個weekend都可以抽一日半日出黎母親節啦，使乜等今日同人迫加比人屈。（日日我就做唔到喇... 哈哈）