海膽團

上星期日去左西貢糧船灣o既海膽養殖場食即開海膽。雖然可以坐車入糧船灣，但我地都係跟養殖場訂的船入去。

入到去先坐低，之後我就滕落去海邊八下。老板話d海膽就養左o係近岸既石縫之間。我一望都望到好多海膽o係水底，有一個海膽仲可以用手摸到添。

老板娘介紹一種新鮮捉既蟹，叫盲蟹。佢地就o係附近生長，因為近岸，潮水加浪花，所以d盲蟹好有力，d肉好多同好爽。我企o係岸邊望落海都見到幾隻盲蟹爬黎爬去！老板娘話就咁清蒸最好食，試過，雖然隻蟹仲細過隻手板，但佢地真係好多肉同好爽。

海膽，新鮮捉上黎，但可能差不多到季尾，冇乜海膽味。Judy唔食海膽，我唔該都冇聲就食埋佢果隻。

呢餐既驚喜係炸烏賊。好味！

前一個星期已經因為大雨要將海膽團改到上星期，今次出發時好天，但食完之後開始落雨，攪到我地要提早走。o係船上大家都好忙，一班人玩橋牌，另一班人玩NDS對戰Marios賽車，而我就o係度影相。我見閃電，就o係度部左好耐相映，但次次都係見到閃電再按快門已經慢左，影唔到。反而睇返d相先發現原來我無意中影到閃電，仲要將條電放左o係張相既中間。唉... 無心插柳柳成蔭...

我地影既相。