又打爆機

今晚又落左去打波，又比我打爆機，連我之前打唔贏既阿全都攪掂埋，全部人仲停晒睇我地表演，哈哈。

Dr. Luk今日唔打，但係都黎左睇波。佢聊我聽日打，我話唔得喇，要抖抖。佢寸我話佢幾十歲都仲打得，我唔得。大佬，你打得咁滋油，打45分鐘就收皮，我就要被你班人輪足個半鐘。我肩甲骨已經繼手肘之後有d陰陰痛喇。

一大班人一齊打波真係開心好多，人輪我，我輪人。不過一個星期兩晚打得咁激烈已經係我既極限，冇咁激既都可以打多一兩次既，哈哈。